Archive for თებერვალი, 2018
თებერვალი 25th, 2018 | 
: 
2018 წლის 20 თებერვალს სასტუმრო ჰოლიდეი ინ-ში გაიმართა ქვეყნის საკოორდინაციო საბჭოს მიერ ორგანიზებული სამოქალაქო საზოგადოების ფორუმი.
ფორუმი გახსნა ქვეყნის საკოორდინაციო საბჭოს თავმჯდომარემ, საქართველოს შრომის, ჯანმრთელობის და სოციალური დაცვის მინისტრმა ბატონმა დავით სერგეენკომ.
ფორუმზე განხილულ იქნა შემდეგი მნიშვნელოვანი საკითხები: სახელმწიფოს მხრიდან გარდამავალი პერიოდის მხარდაჭერა, სახელმწიფო დაფინანსების ზრდის ტენდენციები, გლობალური ფონდის დაფინანსებით მიმდინარე აივ-ის და ტუბერკულოზის გრანტები, გლობალურ ფონდში წარსადგენი განაცხადების მზადების პროცესი, აივ/შიდსისა და ტუბერკულოზის კონტროლის მიმდინარე ინიციატივებსა და მათ განხორციელებაში სამოქალაქო საზოგადოების როლი.
შეხვედრას არასამთავრობო სექტორის წარმომადგენლებთან ერთად საქართველოს საკოორდინაციო საბჭოს სხვა წევრები, შრომის, ჯანმრთელობისა და სოციალური დაცვის სამინისტროს ხელმძღვანელი პირები, სამთავრობო სექტორის, საერთაშორისო ორგანიზაციების, წარმომადგენლები დაესწრნენ.
2018 წლის 9 თებერვალს საქართელოს შრომის, ჯანმრთელობისა და სოციალური დაცვის სამინისტროს შენობაში ქვეყნის საკოორდინაციო საბჭოს რიგით 89-ე სხდომა გაიმართა.
სხდომის მსვლელობისას განხილულ იქნა ინფორმაცია გლობალური ფონდის გრანტების მიმდინარეობის სტატუსის, გლობალურ ფონდში წარსადგენი განაცხადების მზადების პროცესის შესახებ, რეპროგრამირების წინადადებები, საზედამხედველო კომიტეტის ანგარიში, და სხვა მნიშვნელოვანი საკითხები.
2018 წლის 1 თებერვალს დაავადებათა კონტროლის და საზოგადოებრივი ჯანმრთელობის ეროვნულ ცენტრში გაიმართა ქვეყნის საკოორდინაციო საბჭოს საზედახედველო კომიტეტის მორიგი შეხვედრა. შეხვედრის მონაწილეებმა განიხილეს აივ/შიდსის და ტუბერკულოზის 2017 წლის მესამე კვარტალის დეშბორდები.