June 4th, 2015 | 
: ქვეყნის საკოორდინაციო საბჭო აგრძელებს გლობალურ ფონდში წარსადგენ ტუბერკულოზის კონცეფციის დოკუმენტის შემუშავების პროცესის კოორდინირებას.
განაცხადი ყველა დაინტერესებული მხარის აქტიური მონაწილეობისა და დიალოგის რეჟიმში მზადდება.
სამთავრობო და არასამთავრობო, აგრეთვე დონორი ორგანიზაციების, ადგილობრივი და საერთაშორისო ექსპერტების მონაწილეობით ჩამოყალიბდა სამუშაო ჯგუფი. ტუბერკულოზის განაცხადის წარდგენის საბოლოო ვადაა- 2015 წლის 15 ივლისი.
საკოორდინაციო საბჭო მიესალმება არასამთავრობო ორგანიზაციების, განსაკუთრებით კი დაზარალებული მოსახლეობის ჩართვას სამუშაო პროცესში.
ჯგუფების შეხვედრები ღიაა და მასზე დასწრება შესაძლებელია ყველა დაინტერესებული მხარისთვის.
დეტალური ინფორმაცია გლობალური ფონდის დაფინანსების ახალი მოდელის შესახებ შეგიძლიათ იხილოთ შემდეგ მისამართზე: http://www.theglobalfund.org/en/fundingmodel/
შეკითხვებით და დამატებითი ინფორმაციის მოთხოვნით გთხოვთ მიმართოთ ქვეყნის საკოორდინაციო საბჭოს სამდივნოს:
ირინა გრძელიძე, აღმასრულებელი მდივანი. secretary@ccm.caucasus.net ტელ: 51 00 11 (0615);
ნათია ხონელიძე, ადმინისტრაციული ასისტენტი. admin.ccm@caucasus.net. ტელ: 51 00 11 (0616)
2015 წლის 28 მაისს, შრომის, ჯანმრთელობისა და სოციალური დაცვის სამინისტროს შენობაში ქვეყნის საკოორდინაციო საბჭოს რიგით 79-ე სხდომა გაიმართა.
სხდომას უძღვებოდა ქვეყნის საკოორდინაციო საბჭოს თავმჯდომარის მოადგილე ქ-ნი თამარ გაბუნია.
სხდომას დაესწრო გლობალური ფონდის გამგეობის წევრი აღმოსავლეთ ევროპის და ცენტრალური აზიის რეგიონიდან, ქ-ნი სანდრა ე. რულოვსი. ქ-ნმა რულოვსმა მიაწოდა საბჭოს წევრებს უახლესი ინფორმაცია გლობალური ფონდის გამგეობაში მიმდინარე პროცესების შესახებ და ისაუბრა აღნიშნულის კავშირზე საქართველოს პროექტებთან.
ზიანის შემცირების ევრაზიის ქსელის საინფორმაციო და ტექნიკური მხარდაჭერის დირექტორის მოადგილემ, ქ-ნმა ანა დოვბახმა მიაწოდა წევრებს ინფორმაცია შემოდგომაზე დაგეგმილ მაღალი დონის შეხვედრის შესახებ. ბ-ნი იუსტ ვან დერ მეერმა, Phesta (საზოგადოებრივი ჯანდაცვა, ეპიდემიოლოგია, სტრატეგია, ქმედება), საზოგადოებრივი ჯანდაცვის და ჰუმანიტარული დახმარების კონსულტანტმა გაუზიარა წევრებს დეტალები 2018 წელს დაგეგმილ შიდსის საერთაშორისო კონფერენციის შესახებ.
საბჭოს წევრებმა მიიღეს ქვეყნის საკოორდინაციო საბჭოს სახელმძღვანელო დოკუმენტი, რომელიც შემუშავდა საფრანგეთის საექპერტო სააგენტოს (Expertise France) ტექნიკური დახმარებით.
სხდომის მსვლელობისას განხილულ იქნა ტუბერკულოზის ეროვნული სტრატეგიული გეგმა, აივ და ტუბერკულოზის გრანტების მე-3 პერიოდის ზედამხედველობის ინსტრუმენტი და სხვა მნიშვნელოვანი საკითხები.
2015 წლის 22 მაისს, საქართველოს პარლამენტის ჯანმრთელობის დაცვის და სოციალურ საკითხთა კომიტეტის საკანონმდებლო ჯგუფის, დაინტერესებული უწყებებისა და ექსპერტების მონაწილეობით „ტუბერკულოზის კონტროლის შესახებ“ კანონპროექტთა პაკეტის განხილვა გაიმართა. ღონისძიება საქართველოს პარლამენტის ჯანმრთელობის დაცვის და სოციალურ საკითხთა კომიტეტის ინიციატივითა და ამერიკის საერთაშორისო განვითარების სააგენტოს საქართველოში ტუბერკულოზის პრევენციის პროექტის მხარდაჭერით გაიმართა.
დეტალური ინფორმაცია გთხოვთ იხილოთ: http://www.parliament.ge/ge/media/anonsi/23-maisis-anonsi2015.page