Author Archive
April 28th, 2021 | 
: ქვეყნის საკოორდინაციო საბჭომ დიწყო მუშაობა COVID-ზე საპასუხო მექანიზმის (C19RM) ფარგლებში გლობალურ ფონდში წარსადგენი განაცხადის მზადებაზე. გლობალურ ფონდში განაცხადის წარდგენის საბოლოო ვადაა 2021 წლის 31 მაისი.
საქართველოსთვის გამოყოფილი ჯამური თანხა შეადგენს 2,63 მილიონ აშშ დოლარს. ალოკაციის ზემოთ გამოყოფილი თანხა- 2,63 მილიონ აშშ დოლარი.
უტილიზაციის საბოლოო თარიღი – 2023 წლის 31 დეკემბერი.
დაფინანსებას ექვემდებარებააქტივობები, რომელიც შეესაბამება ტექნიკური გზამკვლევით განსაზღვრულ მიმართულებებსა და კატეგორიებს:
3 ძირითადი კატეგორია
1. კოვიდ-19 ეპიდემიის კონტროლისა და შეკავების ღონისძიებების კოორდინაცია და დაგეგმვა ქვეყნის დონეზე
2. აივ/შიდსის, ტუბერკულოზისა და მალარიის პროგრამებზე ეპიდემიის უარყოფითი გავლენის შესუსტება
3. ჯანმრთელობის სისტემისა და სათემო სისტემების გაძლიერება, მათ შორის პირველადი ჯანდაცვის, ჰოსპიტალური მომსახურების, ლაბორატორიული სისტემების, ეპიდზედამხედველობის გაძლიერების, ადვოკატირება და თემის მობილიზება
არ დაფინანსდება: ვაქცინების შეძენა, მაგრამ შესაძლებელია ვაქცინაციის პროცესის მხარდაჭერა.
სამოქალაქო სექტორის და სათემო ორგანიზაციების ჩართულობის შესაძლო ინტერვენციები:
- ადამიანის უფლებების დაცვა და სერვისებზე ხელმისაწვდომობის გენდერული ბარიერების დაძლევა
- COVID-19 CSS: სათემო მონიტორინგი
- COVID-19 CSS: სათემო ადვოკატირება და კვლევები
- COVID-19 CSS: სოციალური მობილიზება
- COVID-19 CSS: სათემო ორგანიზაციების შესაძლებლობების გაძლიერება – institutional capacity building
დაწვრილებითი ინფორმაცია C19RM მექანიზმის თაობაზე ხელმისაწვდომია შემდეგ ბმულებზე:
PIH Recommendations | Partners In Health
https://www.theglobalfund.org/en/covid-19/response-mechanism/how-to-apply/
https://www.theglobalfund.org/media/10816/covid19_crg-investments_guidance_en.pdf
გთხოვთ გამოაგზავნოთ თქვენი წინადადებები არაუგვიანეს მიმდინარე წლის 11 მაისისა სამდივნოს შემდეგ ელექტრონულ მისამართებზე: secretary@georgia-ccm.ge; admin@georgia-ccm.ge. გთხოვთ მიუთითოთ დასახელებაში: C19RM proposal.
გლობალური ფონდი აგრძელებს ქვეყნების მხარდაჭერას COVID-19-თან გლობალურ ბრძოლაში COVID-ზე საპასუხო მექანიზმის (C19RM) ფარგლებში.
აღნიშნული მექანიზმის ფარგლებში საქართველოსთვის შემოთავაზებულ იქნა დაფინანსების მიღების ახალი შესაძლებლობა შესაბამისი განაცხადის წარდგენის საფუძველზე. არსებობს განაცხადის წარდგენის რამდენიმე ფანჯარა, მიმდინარე წლის 14 მაისიდან ივნისის ბოლომდე; 7 აპრილიდან კი გახსნილია ე.წ. Fast Track (გადაუდებელი საჭიროებების) მექანიზმი.
დეტალური ინფორმაცია ხელმისაწვდომია შემდეგ ბმულზე: Our COVID-19 Response – The Global Fund to Fight AIDS, Tuberculosis and Malaria
შეკითხვებით, დამატებითი ინფორმაციის მოთხოვნით გთხოვთ მიმართოთ ქვეყნის საკოორდინაციო საბჭოს სამდივნოს:
ქვეყნის საკოორდინაციო საბჭო იწყებს დაინტერესებული მხარეებიდან იდეების/პროექტების მიღებას, რომელთაგან შერჩეული პროექტები განხილული და შეტანილი იქნება ახალი სტრატეგიული ციკლისთვის (2022-2025 წწ) გლობალურ ფონდში წარსადგენი აივ/ტუბერკულოზის გაერთიანებულ განაცხადში.
გთხოვთ გამოაგზავნოთ თქვენი იდეები/პროექტები არაუგვიანეს მიმდინარე წლის 25 მარტისა სამდივნოს შემდეგ ელექტრონულ მისამართებზე: secretary@georgia-ccm.ge; admin@georgia-ccm.ge
პროექტის სავარაუდო მიმართულებები:
- აივ ინფექცია/შიდსით დაავადებული პირების მკურნალობის და მოვლის ხარისხის უზრუნველყოფა, ფსიქო-სოციალური და მკურნალობაზე დამყოლობის მხარდაჭერა
- ტუბერკულოზით დაავადებული პირების მკურნალობის და მოვლის ხარისხის უზრუნველყოფა, ფსიქო-სოციალური და მკურნალობაზე დამყოლობის მხარდაჭერა
- ტრანსგენდერ პირებში აივ პრევენციის და აივ ტესტირების ღონისძიებები
- მსმ-ებში აივ ინფექციის პრევენციის და აივ ტესტირების ღონისძიებების განხორციელება
- ნიმ-ების აივ პრევენციული და აივ ტესტირებით მოცვის მომსახურების ხარისხის კონტროლი, მონიტორინგი და სუპერვიზია, ზიანის შემცირების ორგანიზაციების ტექნიკური შესაძლებლობების განვითარება, მომსახურების მიწოდების ცენტრების ადაპტირება სერვისის მიწოდების მოთხოვნების შესაბამისად
- კსმ ქალებში აივ ინფექციის პრევენციის ღონისძიებების განხორციელება
- აივ თვითტესტირების პლატფორმის მხარდაჭერა
- აივ ექსპოზიციამდელი პროფილაქტიკური მკურნალობის სათემო პროგრამა (PrEP)
- აივ პრევენციის და აივ ტესტირების ინოვაციური პროგრამების პილოტირება და მხარდაჭერა
-აივ პრევენციის, დიაგნოსტიკისა და მკურნალობის პირველადი ჯანდაცვის რგოლთან ინტეგრირებული ინტერვენციის პილოტირება/განხორციელება
- ტელემედიცინაზე დაფუძნებული ტრენინგები და მომსახურების მიწოდება
- თემის განვითარების მხადაჭერა, ადვოკატირება, მხარდაჭერი პოლიტიკური და მარეგულირებელი ჩარჩოს შექმნის ხელშეწყობა
- ტუბერკულოზის დიაგნოსტიკის ახალი მეთოდების დანერგვა
- ლატენტური ტუბერკულოზური ინფექციის აქტიური გამოვლენა და მართვა
- “ნულოვანი ტუბერკულოზის” ინიციატივის განხორციელება სხვადასხვა რეგიონში
- ტუბერკულოზის სერვისის ინტეგრაცია პირველად ჯანდაცვაში
- ტუბერკულოზის მართვის ხარისხის გაუმჯობესება
- ვიდეომეთვალყურეობით კონსულტაციისა და მკურნალობის ხელშეწყობა
- ტუბერკულოზის მართვის ერთიანი ელექტრონული საინფორმაციო სისტემის დანერგვა
- საინფორმაციო კამპანიის ჩატარება მოსახელობის ცნობიერების ამაღლების მიზნით
2021 წლის 23 თებერვალს გაიმართა ქსს-ს საზედამხედველო კომიტეტის საველე შეხვედრა ონლაინ ფორმატში.
შეხვედრის დროს განხილულ იქნა შემდეგი საკითხები: კოვიდ პანდემიის გავლენა სათემო ორგანიზაციების მუშაობაზე; კოვიდ პანდემიის გავლენა ტუბერკულოზით დაავადებულ პაციენტთა გამოვლენასა და დამყოლობაზე.